BONZO A TE AMI DOU PATOUE


Vègno d’Ereminse, velâzo dou Valèc.  Intchiè no, lè zoèno pârlon pâ mi tan patouè. Hlo ke chon d’aun tin oou mè naun plo. Che t’oou troâ kârcaun po cosergiè oou tè in patouè, te fau allâ tsercâ lè mi viouc, intchiè looc, ou bïn chè mettre in pèr ona société dou patouè. Mé, to caumprin, fau troâ lo tin !
Kan îro infan, in barak, le pâre è le mâre yan tolon coserjia patouè intre looc. Chin fé k’î aprè dinche. Mé oou no, dèk t’ouk, fayè parlâ fransè ! Yè po chin ke chi pâ tolon benèje po cosergiè in patouè oou lè j’âtro. Me fau todolon mojecâ. Yè potèhre po chin ke mè chi mètou à ehrire in patouè. Lé to pou prindre lo tin. Yè mi lein’no.
 
Po chin ke yè de lanmâ tsantâ, fau dère ke kan îro zoèno, in méijon, n’in ni awoui dè mojèca è dè tsanson oou lo grau pâre, lo pâre è la mâre !
 
Bon. To chin por afroâ d’esplecâ chin ke m’a baya l’invè de fére dè tsanson in patouè.
 
Fau to pari dère ke dè vièille tsanson, intchiè no, n’in n’a pâ troppa. I afroâ de tsercâ ou velâzo de tsanson di janchian, in patoué. Mé to chin ki troâ chon dè viou lèivro de tsanson de  bâ pè la France.
 
Adon ôra, fé dau trè  jan k’ehrijo de tsanson in patouè. Trâyo to pari oou la Laurence Revey, ona tsantôuja valèjan’na, ke voyaze brâmin foùra dè la Suisse. Li fâjo lè texte in patouè. Yèic, baille lè j’idé. Yo, lè fâjo pachâ « à traè » dou patouè. Don kè don, lanme awoué fére dè mojèca po de fé mi moderne, chin zoye to pari. Fau pâ impleyè lo patouè drè po parlâ di viellerâ in zoyin dè vièille mojec.
 
Po charvâ lo patouè fau lo parlâ. Adon, porke pâ lo tsantâ ?
 
 
 
 
BONJOUR A TOI, AMI DU PATOIS
 
Je viens d’Hérémence, village du Valais.  Chez nous, les jeunes ne parlent plus guère patois. Ceux de mon âge non plus. Pour trouver quelqu’un avec qui converser, il faut chercher les plus vieux ou alors faire partie d’une société de patois. Mais, il faut trouver le temps !
 
A la maison, quand j’étais enfant, mes parents parlaient toujours patois entre eux. C’est ainsi que j’ai appris la langue. Mais, avec nous, il fallait parler français ! Voilà pourquoi je ne suis pas toujours à l’aise pour converser en patois. Il faut réfléchir sans cesse. C’est peut-être ce qui m’a stimulé à l’écrire. Alors, on prend son temps, c’est plus facile !
 
Le goût de la chanson m’est venu  également à la maison, avec mon grand-père joueur d’harmonica et mes parents qui chantaient souvent.
 
Voilà qui explique peut-être mon goût pour l’écriture de chansons en patois.
 
Par ailleurs, il faut dire que chez nous, on trouve très peu de vieilles chansons. J’ai essayé de chercher au village, ce que chantaient nos ancêtres, en patois. Mais je n’ai trouvé que de vieux livres de chansons françaises.
 
Voilà maintenant quelques années que j’écris. Je travaille aussi avec Laurence Revey, chanteuse valaisanne, souvent à l’étranger. J’essaie de faire passer « à travers » le patois les idées qu’elle désire exprimer. Parfois elle aime faire des musiques un peu plus modernes. Cela convient également. Je pense qu’il ne faut pas utiliser le patois uniquement pour parler du vieux temps sur de vieilles musiques.
 
Pour sauvegarder le patois, il faut le parler. Alors pourquoi ne pas le chanter ?
 

Dans le cadre de la journée culturelle d'automne, les enfants des écoles ont appris avec Joël, quelques unes de ses chansons en patois.
Canal 9 n'a pas manqué l'occasion de faire une émission sur cette journée inoubliable.

"VALAIS PAS MANQUER CA"

Bravo aux enfants, aux maîtresses et aux maîtres des écoles pour leur merveilleux travail.

VALAIS PAS MANQUER CA ET JOEL NENDAZ EN CONCERT

http://www.patois.ch      

Le dictionnaire d'Alphonse Dayer

http://www.wikipatois.dayer.biz